من روائع صلاح جاهين

اربع ايدين على الفطار اربع شفايف بيشربوا الشاى باللبن

ويبوسوا بعض ويحضنوا نور النهار بين صدرها وصدره

بين البسمتين ويحضنوا الحب اللى جمعهم سوا على الفطار

ويحضنوا الشمس اللى بتهز الشتا وتخش من بين الخيوط

وبعضها مع الهوا للأولاد ترسم نفسها على ارضها على

البساط اللى اشتروه مع الجهاز على الغرام اللى اشتروه من

غير ثمن وعلى القزاز ويشربوا الشاى باللبن فى فنجالين

على الفطار اربع ايدين ودبلتين بيصحوا قلبى كل ليله فى المنام

وبيكتبوا لى بلون ملون فزدقى على الهوا الاسود وع الجفن اللى نام

كلمه سلام